កាលពីម្សិលមិញ​នេះ​ ខ្សែប្រយុទ្ធ​អា​ស្សង់​ទី​ន​ Lionel​ Messi​ បាន​សុំ​ច្បាប់​មិន​អាច​មក​ចូលរួម​ការ​ហ្វឹកហាត់​ជាមួយនឹង​ក្លឹ​ប​ Barcelona​ បាន​នោះ​ទេ​ ហើយ​ក្លឹ​ប​ Barcelona​ ក៏​បាន​ចេញ​សេ​ក្តី​ប្រកា​សព​ត៌​មាន​ដែរ​ថា​ Messi​ ខកខាន​មិន​អាច​ចូលរួម​ហ្វឹកហាត់​បាន​ដោយសារ​តែ​ “​ហេតុផល​ផ្ទាល់ខ្លួន​”​ ដែល​មិន​ទាន់​អាច​បញ្ជាក់​បាន​នៅឡើយ​នោះ​ទេ​។​​

​កាលពី​យប់​ថ្ងៃ​ពុធ​ក្នុង​ការ​ប្រកួត​ Champions​ League​ កីឡាករ​ Messi​ នេះ​ហើយ​ដែល​ជា​អ្នករក​គ្រាប់​បាល់​តាម​ស្មើរ​ជាមួយនឹង​ក្លឹ​ប​ Bayer​ Leverkusen​ នៅ​នាទី​ទី​ 90​ ។​ កីឡាករ​មើលទៅ​ហាក់ដូចជា​មាន​របួស​ត្រង់​សាច់ដុំ​ភ្លៅ​ ប៉ុន្តែ​គាត់​មិន​បាន​ដូរ​ចេញ​នោះ​ទេ​គឺ​លេង​ទាល់តែ​ចប់​ការ​ប្រកួត​។​ ក្លឹ​ប​ Barcelona​ បាន​សរសេរ​នៅ​លើ​បណ្តាញ​សង្គម​ Twitter​ ផង​ដែរ​ថា​ “Messi​ មិន​បាន​មក​ហ្វឹកហាត់​នោះ​ទេ​ តែ​គាត់​បាន​សុំ​ច្បាប់​ពី​គ្រូបង្វឹក​ដោយសារ​មាន​ហេតុផល​ផ្ទាល់ខ្លួន​របស់គាត់​។​”​

គួរ​បញ្ជាក់​ផង​ដែរ​ថា​ កីឡាករ​ Messi​ បាន​រង​របួស​ជង្គង់​ធ្ងន់ធ្ងរ​កាលពី​ប្រកួត​ប៉ះ​ជាមួយនឹង​ក្លឹ​ប​ Las​ Palmas​ កាលពី​ថ្ងៃ​ទី​ ២៦​ កញ្ញា​ដែល​គាត់​ត្រូវ​សម្រាក​ព្យាបាល​របួស​ជិត​ពីរ​ខែ​។​ ក្រោយ​ពេល​ត្រលប់​មក​វិញ​ Messi​ រក​គ្រាប់​បាល់​បាន​ ៤​ គ្រប់​សម្រាប់​វត្តមាន​ ៥​ លើក​របស់​គាត់​ពិសេស​គឺ​យកឈ្នះ​ ៤-០​ ថ្ងៃ​ Clasico​ ២១​ វិច្ឆិកា​កន្លង​ទៅ​នេះ​។​​

​ចំនែក​កីឡាករ​ Neymar​ វិញ​ក៏​មិន​បាន​ចូលរួម​ហ្វឹកហាត់​ដែរ​ជាមួយនឹង​ក្លឹ​ប​ Barcelona​ នៅ​ថ្ងៃ​ព្រ​ហ​ស្ប​និ៍​នេះ​ដោយសារ​តែ​គាត់​រង​របួស​។​ បច្ចុប្បន្ន​ ក្លឹ​ប​ Barcelona​ មាន​ពីរ​ពិន្ទុ​នាំមុខ​ក្លឹ​ប​ Atletico​ Madrid​ នៅ​ La​ Liga​ ហើយ​ថ្ងៃ​សៅរ៍​នេះ​នឹង​ត្រូវ​ប្រកួត​ប៉ះ​ជាមួយនឹង​ក្លឹ​ប​ Deportivo​ La​ Coruna​ ហើយ​៕

​ប្រភព​៖​ mirror , sportkh